Choqueiros en acción! Fin de semana da Festa do Choco de Redondela
A XXXVII Festa do Choco celébrase na vila mariñeira entre hoxe e o domingo
O evento gastronómico está declarado de Interese Turístico de Galicia
B. C.
Redondela é a raíña da pesca do choco dende fai máis de tres séculos. Este molusco identifica á localidade pontevedresa de tal forma que os redondeláns e redondelás tamén teñen, como xentilicio oficial, choqueiros e choqueiras.
Por iso, cada ano, na primeira quincena do mes de maio, a vila homenaxea ao rei das súas cociñas, o seu ouro negro, coa Festa do Choco. Este 2024, a cita celébrase entre a tarde-noite de hoxe e o domingo, e as Xornadas Gastronómicas o fan dende o pasado día 6 e ata o 12.
Igual que nos últimos anos, a empresa local Eurored é a encargada de engalanar as rúas para a celebración con redes e outros aparellos mariñeiros.
Así, a alcaldesa Digna Rivas quixo “agradecer a todas as persoas que fan posible esta festa, xa que a colaboración entre a veciñanza, os negocios locais e o Concello é moi importante para que esta festa gastronómica sexa un éxito e consolide a Redondela como un referente na promoción dos produtos do mar galegos. O choco é o noso produto por excelencia, somos coñecidos como choqueiros e choqueiras en todo o mundo, e iso é posible grazas ao gran traballo dos mariñeiros e mariñeiras da Confraría de Redondela que traen do mar este excelente produto”, engadiu Rivas.
Unha pesca que nesta época de ano disfruta do seu punto álxido, coa maior presencia e concentración do cefalópodo nas súas costas.
Así, milleiros de persoas de toda Galicia (pero tamén da Península, de España e Portugal) a visitan Redondela para desfrutar deste exquisito produto. Por algo a cita está incluida dentro das Festas de Interese Turístico Galicia.
Nesta festa, que comezou a celebrarse nos anos 80, premian a orixinalidade na elaboración de pratos cociñados a base de choco en diversas formas; na súa tinta, guisado, con arroz..., e por suposto, en empanada.
Ademais durante a Festa do Choco celébranse numerosas actividades, como actuacións musicais, showcooking e obradoiros, así como visitas guiadas á enseada de San Simón.
Programa variado e tradicional
Esta edición, para acompañar á parte gastronómica, conta cunha ampla e variada programación cultural, na que o público poderá desfrutar de actuacións musicais, baile e actividades durante os tres días de celebración.
Hoxe venres arrancará xa coa proposta local da Orquestra de Saxos ás 20h, e non faltará a verbena, coroada pola gran orquestra Combo Dominicano, ás 23h.
Mañá sábado 11 a carpa degustación abrirá ás 10.30 horas, mentres que ás 12 horas e media hai oco para a música tradicional coa actuación do grupo de baile y gaitas Airiños de San Simón.
A las 16.30 horas se celebrará a IX Scooterada Vespartana, xa un clásico imbatible nestas datas. Despois, ás 20.00 horas a formación Tanto nos Ten ofrecerá un concierto,e ás 23h será o turno de U2 Zen Garden, un conxunto italiano considerado a mellor banda tributo do grupo irlandés liderado por Bono.
Tras os clásicos With or Without you ou Sunday, Bloody Sunday seguirá a sesión DJ con Rodri Vegas & Enter, tamén locais.
O domingo 12, de novo a carpa abrirá ás 10:30h, e as 11:30h haberá un concerto da Banda de Música de Chapela, nunha nova aposta da Festa polo talento local e galego: “como facemos sempre, porque temos moitos e moi grandes artistas”, apuntou Rivas durante a presentación do evento.
Por iso, Ademais da música, o domingo ás 12.30 horas terá lugar a lectura do pregón a cargo do actor e presentador Rafa Durán, a quen segue a actuación de O Carballo das Cen Polas ás 13h. Finalmente, pechamos a xornada e a fin de semana grande cun concerto da Orquestra Gran Parada no Campo da Feira.
- Una bola de luz ilumina el cielo de Galicia: "Se hizo de día en plena madrugada
- El mensaje de Rocío Carrasco a sus hijos durante la celebración de su cumpleaños: 'La toalla no se tira, se lava
- Antonio David Flores suma una nueva victoria: la decisión que podría cambiar su guerra judicial con Rocío Carrasco
- Este es el sueldo que recibirán Belén Esteban, María Patiño y el resto de colaboradores en el nuevo 'Sálvame
- Terelu y Carmen Borrego, en el punto de mira de 'Ni que fueramos
- El duro golpe judicial que ha recibido 'Sálvame' casi un año después de su cancelación: el dineral que tienen que pagar
- Un conocido escritor español carga como nunca contra 'El Hormiguero': "Un agujero negro donde se refugian insectos
- El sencillo truco para limpiar el doble cristal del horno sin tener que desmontarlo